- Advertisement -
Gjykata Supreme e Kosovës ka lënë në fuqi vendimin e PZAP-së që gjobit Lëvizjen Vetëvendosje me 5.100 euro për përfshirjen e një të miture në fushatë zgjedhore.
Kolegji i Gjykatës e refuzoi si të pabazuar ankesën e LVV-së kundër vendimit të PZAP-së.
Rasti lidhet me një tubim zgjedhor në Vushtrri, ku një vajzë 10-vjeçare recitoi në skenë e veshur me simbole të partisë.
Gjykata vlerësoi se “asnjë subjekt politik i certifikuar nuk mund të angazhojë persona nën moshën 15-vjeçare në fushatën zgjedhore”.
Sipas Supremes, nuk ka rëndësi nëse iniciativa erdhi nga vetë e mitura apo nga organizatori.
“Organizatori i aktivitetit ka lejuar pjesëmarrjen aktive të një fëmije”, theksohet në vendim, duke lënë në fuqi gjobën e shqiptuar nga PZAP-ja.
