Ndalimi i ndërtimit të termocentralit më 2019, Arifi: Suksesi më i madh i Serbisë në Kosovë, mospavarësimi energjetik i ynë

Avni Arifi i Aleancës për Ardhmërinë e Kosovës ka thënë se “suksesi më i madh i Serbisë në Kosovë” ka qenë, siç tha ai, parandalimi i pavarësisë energjetike, përkatësisht i ndalimit të projektit për ndërtim të termocentralit të ri në 2019.

Arifi tha se “shumë njerëz e kanë bëër për shkak të bindjeve që janë kundër karbonit” por se parandalimi i termocentralit të ri e ka lënë “Kosovën në terr.”

“Personalisht, unë mendoj që Serbia suksesin më të madh e ka pas kur e ka parandalu Kosovën me fitu pavarësinë energjetike. Qysh e ka parandalu? Në 2008-ën dhe në 2019-ën. Shumë njerëz e kanë bë për shkak të bindjeve që janë kundër karbonit, por e ka sakatu Kosovën e ka lënë në terr,” tha ai.