- Advertisement -
Ish- kryeministri i Kosovës, Isa Mustafa, ka reaguar pas deklaratave të kryeministrit Kurti, ku tha se Lëvizja Vetëvendosje është e gatshme për zgjedhje dhe tha se meqenëse opozita nuk i ka numrat për ta çuar vendin në zgjedhje, mund ta ndihmojnë atë.
Mustafa thotë se Kurti ka kohë që ka hyrë në fushatë zgjedhore, dhe se deklaratat e tij tani janë vetëm për të provokuar opozitën.
“Ka kohë që z. Kurti ka hyrë në fushatë zgjedhore. Deklaratat tani janë sa për ta provokuar opozitën, sepse pak është me rëndësi se a mbahen zgjedhjet këtë vit kalendarik apo në shkurt të vitit 2025, kur është fundi i mandatit”, tha Mustafa për Gazeta Blic.
