Lionel Messi vazhdon t’i afrohet një tjetër momenti historik në karrierën e tij, pasi realizoi golin e 99-të me fanellën e Inter Miamit.
Ylli argjentinas shënoi të shtunën mbrëma në barazimin 2-2 ndaj Nashville, por skuadra e tij nuk arriti ta ruante epërsinë deri në fund.
Inter Miami kishte fituar vetëm një nga gjashtë ndeshjet e fundit para përballjes me liderin e Konferencës Lindore, një seri që e kishte larguar ndjeshëm nga kreu i tabelës.
Situata u bë edhe më e vështirë që në minutën e katërt, kur vendasit mbetën në disavantazh.
Megjithatë, Miami reagoi dhe Messi ishte sërish protagonist.
Argjentinasi realizoi nga afërsia e zonës së penalltisë, duke regjistruar golin e tij të 99-të në 114 paraqitje për klubin nga Florida.
Vetëm një gol larg shifrës 100
Për një kohë të gjatë dukej se Inter Miami po shkonte drejt një fitoreje shumë të rëndësishme.
Por në minutat shtesë, Sam Surridge shënoi nga afërsia dhe vulosi rezultatin 2-2.
Barazimi bëri që Nashville ta ruajë epërsinë prej nëntë pikësh ndaj Inter Miamit, me edhe nëntë xhiro të mbetura deri në fund të sezonit të rregullt.
Messi, ndërkohë, kryeson listën e golashënuesve në MLS për vitin 2026 me 19 gola.
Ky është gjithashtu sezoni i tretë radhazi në të cilin 39-vjeçari ka arritur të shënojë të paktën 10 gola në futbollin amerikan.
Tashmë, vëmendja do të jetë te goli i tij i ardhshëm, pasi vetëm një tjetër realizim do ta çojë Messin në kuotën e 100 golave me Inter Miamin.
