- Advertisement -
Komuna e Prishtinës, e drejtuar nga Përparim Rama ka marrë vendim që invalidët e luftës së Ushtrisë Çlirimtare të Kosovës të lirohen nga pagesa e Trafikut Urban.
Në bazë të këtij vendimi i cili u nënshkrua nga Rama, lirimi nga pagesa do të bëhet nga data 1.10.2024.
“Obligohen organet drejtuese të NPL ‘Trafiku Urban’ SH.A që në bashkëpunim me Shoqatën e Invalidëve të Luftës së Ushtrisë Çlirimtare të Kosovës – Dega Prishtinë, t’i ndërmarrin të gjitha veprimet e nevojshme për zbatimin e këtij vendimi”, thuhet në vendim.
Po ashtu theksohet se vendimi doli sipas kërkesës së Shoqatës së Invalidëve të Luftës së UÇK-së- Dega në Prishtinë, si mbështetje institucionale për këtë kategori të lartësuar të luftës sonë çlirimtare.
