Alban Krasniqi nga Lëvizja Vetëvendosje, ka reaguar ndaj OVL UÇK’së, pasi që këta të fundit kanë paralajmëruar protestë ditën e hënë, duke i cilësuar ata si ‘’zaptues’’ të OVL, të cilët, sipas tij, janë në koordinim me, siç ka thënë ai, ‘’mbetjet’’ e PDK’së.
Krasniqi, në postimin e tij ka shkruar edhe ‘’boll ma me dëmtimin e kauzës kundër gjykatës së Hagës’’.
”Pra, OVL-PDK me sjelljet e tyre janë aktualisht armiku numër 1 i organizimit shtetëror dhe shoqëror për mbrojtjen e krerëve në gjykatën së Hagës”, ka shkruar ai mes tjerash.
Postimi:
Koordinimi i zaptuesve të OVL me mbetjet e PDKsë që me shantazhu shtetin nuk kalon!
Boll ma me keqpërdorjen e logos së UÇKsë!
Boll ma me abuzimin në emër të kategorivë të luftës!
Boll ma me keqpërdorimin dhe e dëmtimin e kauzës kundër gjykatës së Hagës!
27 vite nuk latë gjë të zezë pa bërë deri tek votimi i gjykatës speciale, tash vërtetë mendoni që populli është naiv e mund ta mashtroni me valvitje flamujsh, ‘Çlirima’ njëpërdorimësh dhe lojë perfide.
Kaq e dojnë këta kauzën e Hagës sa e arrnuan një dokument në formë ligji i cili është vetëm xhoker në lojën e tyre perfide parazgjedhore dhe asgja ma shumë, duke ekspozu nëpër tubime edhe kandidatët e nesërm zgjedhor.
Tentojnë ti bllokojnë institucionet të cilat janë të domosdoshme jo vetëm për funksionimin e shtetit por edhe të koordinimit për apel.
👉Pra, OVL-PDK me sjelljet e tyre janë aktualisht armiku numër 1 i organizimit shtetëror dhe shoqëror për mbrojtjen e krerëve në gjykatën së Hagës.
