6.6 C
New York
Friday, March 29, 2024

Buy now

Medvedev: Paqeruajtësit e NATO-s në vijën e parë, do të jenë një objektiv legjitim

- Advertisement -

Rusia do t’i konsiderojë të ashtuquajturit paqeruajtës të NATO-s si objektiva legjitime nëse ata vendosen në vijën e parë të frontit në Ukrainë, ka njoftuar zëvendëskryetari i Këshillit të Sigurimit rus, Dmitry Medvedev.

“Ata do të jenë objektiva legjitime për forcat tona të armatosura, nëse vendosen në vijën e parë me armë në dorë, pa pëlqimin e Rusisë dhe nëse janë një kërcënim i drejtpërdrejtë për ne”, ka shkruar Medvedev në “Telegram”.

Sipas tij, qëllimi i vërtetë i Perëndimit është vendosja e një armëpushimi në vijën e frontit që u përshtatet atyre.

“Është e qartë se të ashtuquajturit paqeruajtës të NATO-s thjesht do të hyjnë në konflikt në anën e armikut tonë (Ukrainës) dhe do të shkaktojnë pikërisht luftën e tretë botërore, nga e cila ata kanë aq frikë kur flasin për të”, ka thënë Medvedev.

Në të njëjtën kohë, më 31 mars, Rusia ka miratuar një strategji të re të politikës së jashtme, në të cilën ShBA-ja dhe Perëndimi theksohen si burime të një “kërcënimi ekzistencial” për Moskën, në mes të krizës diplomatike lidhur me konfliktin në Ukrainë.

“Përmbysjet në skenën ndërkombëtare” e detyrojnë Rusinë të “përshtatë dokumentet e saj të planifikimit strategjik, veçanërisht atë për konceptimin e politikës së jashtme të Rusisë”, ka shkruar presidenti Vladimir Putin në një takim të Këshillit të Sigurisë Kombëtare, raporton “AFP”.

Rusia e ka vendosur si “prioritet” eliminimin e “dominimit” të ShBA-së dhe Perëndimit, ndërkohë që e përshkruan veten si një “civilizim” që mbron qytetarët e zonave rusishtfolëse. /REL/

Të ngjashme

111,400FansaPëlqeje
12,000NdjekësitNdjek

Të fundit