Malisheva është rikthyer te fitorja në Superligën e Kosovës, dhe këtë e ka bërë në mënyrën me spektakolare të mundshme.
Pas humbjes nga Dukagjini në mesjavë, Malisheva e Thomas Brdaric e ‘shkatërroi’ Llapin e Tahir Batatinës.
Malisheva fitoi 4-0 në “Zahir Pajaziti”, me ndeshjen që i takoi xhiros së gjashtë në Superligën e Kosovës.
Vusal Isgandarli e hapi serinë e golave në këtë përballje, me azbekun që shënoi në minutën e 41-të.
Pasi pjesa e parë përfundoi me shifrat prej 1-0 për mysafirët, këta të fundit shënuan edhe tre gola të tjerë në pjesën e dytë.
Xhemajl Ibishi shënoi fillimisht nga pika e bardhë e penalltisë në minutën e 57-të, derisa tre minuta më vonë, Lorent Talal e trefishoi epërinë e Malishevës.
Mark Bushaj shënoi në minutën e 84-të për 4-0 dhe epilogun e takimit.
Me këtë fitore, Malisheva shkon në kuotën e 13-të pikëve pas gjashtë xhirove në Superligë.
Ndërkohë, Llapi mbetet në tri pikë, në vendin e tetë, me vetëm një fitore e pesë humbje./GazetaExpress
