Lyrical Son bën thirrje publike: Ejani në “Marshin për Liri” më 12 shtator

Reperi i njohur, Lyrical Son, ka bërë thirrje për pjesëmarrje në “Marshin për Liri”, i cili do të mbahet më 12 shtator, nga ora 14:00, në mbështetje të ish-krerëve të UÇK-së që po gjykohen në Hagë.

Lyrical Son u ka bërë thirrje të gjithë shqiptarëve, kudo që ndodhen, t’i bashkohen këtij marshi qytetar, i cili po organizohet në prag të vendimit të Gjykatës Speciale në Hagë.

Ditë më parë, për pjesëmarrje në marshin e organizuar nga platforma “Liria ka emër” kanë bërë thirrje edhe artistë të tjerë të njohur, mes tyre Yll Limani dhe Ledri Vula.