27.1 C
New York
Wednesday, May 22, 2024

Buy now

Limaj: Beteja e Llapushnikut ishte ndër më të rëndësishmet e UÇK-së

- Advertisement -

Kryetari i Nismës Socialdemokrate, Fatmir Limaj, ka kujtuar Betejën e Llapushnikut në 26-vjetorin e saj.

Ai, në rrjetin social Facebook, ka deklaruar se kjo betejë ishte ndër më të rëndësishmet e UÇK-së, sepse kishte karakter strategjik në shumë drejtime.

“Beteja e Llapushnikut shpërtheu izolimin e Drenicës duke ju ofruar mundësi viseve tjera të furnizojnë këtë pjesë të Kosovës me ushqime, armë e municione që duheshin në atë kohë. Po ashtu, kjo betejë ndërpreu lëvizjen e serbëve për të sulmuar forcat e UÇK-së në Dukagjin. Madje, Beteja e Llapushnikut shënon kthesën e madhe edhe në rrafshin diplomatik”.

“Në këtë përvjetor kujtojmë me nder e respekt luanët e grykës, Ymer Alushani, Besim Halilaj, Ali Zogaj, Sadik Shala, dhe dëshmorët tjerë të grykës dhe gjithë ata ushtarë që morën plagë dhe luftuan e mbajtën atë grykë. Kujtojmë poashtu, me plotë krenari edhe Fehmiun, Xheven, Gani Elshanin etj”.

“Respekt kontributit të secilit luftëtar të UÇK-së. Mirënjohje kontributit të secilit banor të Llapushnikut dhe zonës përreth. Lavdi dëshmorëve dhe të rënëve për liri. Përjetësisht krenar me të ndritshmën, UÇK”, ka thënë Limaj.

Të ngjashme

111,400FansaPëlqeje
12,000NdjekësitNdjek

Të fundit