Kurti në fjalimin e tij duke vlerësuar rolin dhe ndihmën e Finlandës për liri e pavarësi, tha se dy shtetet ndajnë histori të ngjashme të pushtimit e sakrificës për liri dhe pavarësi.
“Më 6 dhjetor 1917, Finlanda shpalli pavarësinë e saj nga Rusia, duke i dhënë fund një sundimi të huaj që daton që nga viti 1809. Kosova dhe Finlanda ndajnë histori të ngjashme të pushtimit, sakrificave për liri dhe përpjekjeve për të ruajtur kulturën dhe traditën kundër perandorive dhe regjimeve të huaja deri në shpalljen e pavarësisë”, ka thënë Kurti.
Kryeministri ka thënë se Filanda ka dhënë kontribut në shumë për zhvillimin e Kosovës.
Ai poashtu shprehu urimet për aplikimin e Finlandës për anëtarësim në NATO.
“Edhe në fushën e sigurisë, Finlanda dhe Kosova ndajnë vlera, sfida dhe interesa të përbashkëta. Prandaj, më lejoni të shfrytëzoj këtë rast për të uruar Finlandën për aplikimin e saj për anëtarësim në NATO. Pasi të jenë finalizuar të gjitha ratifikimet, anëtarësimi i Finlandës në NATO do të nënkuptojë padyshim një pikë kthese të madhe në historinë politike të vendit, të rajonit nordik dhe të Evropës në tërësi. Si i tillë, ai do të forcojë sigurinë dhe do të forcojë garancinë e mbrojtjes kolektive. Edhe Kosova ka të njëjtat aspirata dhe për të njëjtat arsye”, ka shkruar Kurti.