- Advertisement -
Kryetari i PDK-së, Memli Krasniqi, ka bërë me dije se së bashku me kolegë dhe kandidatin për kryeministër, Bedri Hamzën, ishin për iftar te hoxha Halil Kastrati.
Ai ka thënë se “është fat i madh, për shoqërinë dhe shtetin tonë, që mes nesh kemi një personalitet si Halili”.
“Falë angazhimit dhe besimit të tij, sot, të moshuarit e vetmuar kanë familje dhe përkujdesje, skamnorët dhe jetimët kanë kulm mbi kokë, e ne kemi një person që na frymëzon çdo ditë me vepra të mira. Halili, jo rrallë herë, ka bërë atë që ka dështuar shteti ynë ta bëjë. Faleminderit për përkushtimin e përditshëm dhe shembullin e jashtëzakonshëm, Halil”, ka shkruar Krasniqi në Facebook.
