Njëra ndër kandidatët më të votuara nga rradhët e Lidhjes Demokratike të Kosovës, DOarasa Kica-Xhelili i ka reaguar Lëvizjes Vetëvendosje pasi këta të fundit po e quajnë skemë kriminale, rritjen e LDK-së në diasporë.
“Çfarë mendje krimineli duhet të kesh të mendosh se një parti tjetër nuk guxon të rritet në mërgatë” – ka shkruar ndër të tjera ajo.
Tutje ajo ka thënë se disa paskan harruar se LDK për vite të tëra kishte strukturë të fuqishmë në mërgatë dhe se ajo po ri-ngrihet.
E plotë:
VV po e quan skemë të organizuar kriminale faktin që LDK është rritur në mërgatë!
Çfarë mendje krimineli duhet të kesh, të mendosh se një parti tjetër nuk “guxon” të rritet në mërgatë!
Insistimi i tyre se rritja jonë është krim më bën të dyshoj thelbësisht që ne kemi pasur edhe më shumë vota se kaq! Se mijëra votat shtesë që i pritëm e nuk na erdhën, na kanë avulluar pikërisht këta. Siguria e tyre se ne duhet të kemi më pak vota në mërgatë është indikacion që këta kanë menduar që na kanë “fshirë” votat e si rezultat, këto 20 mijë s’po i dalin në matematikat e tyre kriminale.
Rritja jonë është krim për ta, sepse ia pamundëson skemat e tyre kriminale.
Këta paskan harruar që LDK dikur kishte partinë më të organizuar e strukturuar në mërgatë, sikurse synon ta ketë shumë shpejtë sërish. Sikurse ka punuar me strukturat tona të palodhshme këto 4 vite që LDK t’i rikthet mërgatës, e mërgata LDK-së.
Këndellja elektorale është ankthi i tyre më i madh!
Sepse ata e dijnë, sikurse votuesi ynë, që ata i përsërisin gënjeshtrat me shpresë që duke i përsëritur çdo ditë, bëhen të besueshme për votuesin – pa llogaritur që pikërisht votuesi do të bëhet MAKTHI i tyre, duka ua përplasur fytyrës një realitet të paevitueshëm: një ditë, gënjeshtrave të tyre, duke i përsëritur si refren, do t’i besojnë vetëm ata!
