Omarion po bëhet viral por ndoshta jo në mënyrën që ai ka shpresuar. Që kur varianti Omicron u shfaq, këngëtari është përballur me tallje, duke e cilësuar si varianti Omarion. Kjo ka sjellë dhe reagimin e vetë artistit, i cili përmes disa videove që u bënë virale në TikTok, shprehet me humor se është një artist dhe jo një variant virusi.
“Ky është Omarion. Unë jam një artist – jo një variant. Kështu që ju lutem të jeni të vetëdijshëm se nëse rastësisht më hasni në rrugë, nuk keni pse të izoloheni për 5 ditë. Ndërsa është e rëndësishme të mos më prekni dhe të mbani distancën, sepse e dini se kështu duhet të jetë, nuk keni nevojë për një test negativ për të kërcyer muzikën time.”
Omarion ka lëshuar gjashtë albume si një artist solo, dy prej tyre, O dhe 21 , duke arritur në numrin 1 në Billboard 200. Së fundmi, ai u bashkua me yjet e tjerë të R&B, Bow Wow dhe Soulja Boy për këngën e vitit 2021, EX. /abcnews.al/
