Arkimed Lushaj, i njohur me emrin e artit si Stresi ka surprizuar me postimin e fundit që ka bërë në rrjete sociale. Përmes Instagramit, autori i shumë hiteve shprehet se ka nevojë për një psikologe. “Kam nevojë për një psikologe,“, ka shkruar reperi.
Nuk dihet se çfarë ka ndodhur me reperin apo nëse bëhet fjalë për ndonjë ironi nga ana e tij. Kujtojmë që së fundmi, ai ka qenë në qendër të vëmendjes pas përplasjes me ish anëtarin e TBA-së, BMT, i cili u dhunua pak ditë më parë nga disa njerëz të tij.
Në një lidhje live, Stresi theksoi se kishte marrë kërcënime dhe ofendime të vazhdueshme nga ana e tij. “Ne i kemi inat kërcënimet, sepse kemi motra, vëllezër, nënë, baba, dalin nëpër Tiranë, ku iu merret vesh këtyre se janë njerëz të çmendur, kërcënojnë.
‘Do të vras’, ‘Po jetoj për të ardhur në Shqipëri për të të vrarë’. Ne kur e marrim vesh që janë në Shqipëri pastaj, veprojnë njerëzit se unë as nuk e kam prekur me dorë atë legen”, tha Stresi, pas të cilit reagoi dhe BMT duke thënë se nuk do ta linte me kaq.
