Shteti i Serbisë vazhdimisht e ka luftuar drejtuesin politik të UÇK-së, Hashim Thaçi.
Hashim Thaçi, fillimisht si lider studentor pas vitit 1990 e më pas si një prej aksionistëve të parë të UÇK-së, kishte rënë në sy të aparatit shtetëror serb.
Serbia e kërkonte me ngulm për ta arrestuar apo vrarë.
Në vitin 1997, Hashim Thaçi u dënua me 10 vjet burg dhe fotografia e tij u përhap gjithandej në mediat serbe.
“Policia serbe ka lëshuar urdhër për arrestimin e tetë terroristëve shqiptarë etnikë për vrasje dhe rrëmbime të shumta të civilëve, si dhe sulme ndaj ushtrisë dhe policisë së Jugosllavisë”, thuhej në kërkesën e policisë.
Sipas policisë okupuese serbe, Hashim Thaçi kërkohej për përfshirjen e tij në sulmet ndaj policisë në Drenas.
Po ashtu, bashkë me Thaçin kërkoheshin edhe Sami Lushtaku, Jakup Krasniqi, Ramë Buja, Jakup Nura etj.
Në këtë njoftim, policia serbe provoi të fuste elementin fetar për të propaganduar më pas, por UÇK-ja, si ideologji të vetme, kishte shqiptarizmin.
