- Advertisement -
Sipas raportimeve të fundit nga Spanja, Real Madridi është i bindur se mund të realizojë një nga transferimet më të bujshme në historinë e futbollit spanjoll, duke afruar sulmuesin argjentinas Julian Alvarez nga rivali i qytetit, Atletico Madrid.
Gazetari i njohur spanjoll, Josep Pedrerol ka deklaruar se në ambientet e klubit madrilen ekziston bindja se “Atletico do ta shesë lojtarin te Reali”, pavarësisht rivalitetit të madh mes dy skuadrave.
Raportohet po ashtu se Real Madridi është i gatshëm të ofrojë plot 150 milionë euro për 26-vjeçarin, shumë që konsiderohet e vështirë për t’u refuzuar.
Megjithatë, për klubin “rojiblanco”, shitja e një prej yjeve kryesorë te rivali lokal do të ishte një vendim jashtëzakonisht i ndërlikuar, jo vetëm nga aspekti sportiv, por edhe për shkak të reagimit të tifozëve.
