Galatasaray nuk heq dorë nga Leao, oferta shkon në 50 milionë euro

Galatasaray ka intensifikuar përpjekjet për të transferuar Rafael Leaon nga Milani. Klubi turk ka paraqitur një ofertë prej 45 milionë eurosh, plus 5 milionë të tjera në formë bonusesh.

Kjo është oferta më konkrete e bërë deri tani për portugezin dhe Galatasaray po tenton ta mbyllë marrëveshjen me Milanin në orët e ardhshme.

Aston Villa gjithashtu ka shfaqur interes për Leaon, por në këtë moment Galatasaray duket më e favorizuar, pasi ka kaluar nga interesimi te një ofertë zyrtare.

Leao mbetet objektivi kryesor i klubit turk, ndërsa tani gjithçka varet nga përgjigjja e Milanit ndaj ofertës prej 50 milionë eurosh në total.