- Advertisement -
Zëdhënësja e Komisionit Evropian, Ana Pisonero, ka treguar përsëri kushtet që Kosova ka për t`u kualifikuar për Planin e Rritjes të Bashkimit Evropian për Ballkanin Perëndimor.
Në një deklaratë për Radion Evropa e Lirë, ajo ka thënë se Kosova konsiderohet e kualifikuar për këto fonde vetëm nëse i përmbush kushtet e përcaktuara nga BE-ja.
“Kosova, sikur edhe pjesa tjetër e Ballkanit Perëndimor, konsiderohet e kualifikuar për fondet nga Plani i Rritjes, nëse i përmbush kushtet për pagesa”, ka thënë Pisonero.
Më herët është bërë me dije se Kosova dhe Serbia për t`u kualifikua për këto fonde duhet t`i zbatojnë obligimet që kanë marrë në procesin e dialogut të Brukselit.
