Xhiro e 7-të e Albi Mall Superligës së Kosovës në futboll do të përmbyllet sot me dy ndeshje.
Ndeshja më interesante e ditës së sotme është ajo mes Gjilanit dhe Prishtinës.
Skuadra gjilanase s’e ka nisur aspak mirë edicionin e ri të Superligë, ku ka regjistruar vetëm një fitore pas 6 xhirove të luajtura, krahas dy barazimeve e tre humbjeve. Ata pozicionohet aktualisht në vendin e 8-të me 5 pikë të mbledhura.
Prishtina ndërkohë vjen pas një fitore të pastër 3-0 ndaj Dukagjinit në kryeqytet, e cila pas 5 xhirove të luajtura ka tre fitore, një barazim e një humbje, e pozicionuar në vendin e 6-të me 10 pikë.
Sfida tjetër që do të zhvillohet sot është ajo Feronikelit 74 dhe Malishevës.
Skuadra e Feronikelit 74 është e vetmja e cila ende nuk e ka shijuar fitoren apo pikët e para në kampionat, ku në 6 xhiro të luajtura, ata kanë po aq humbje, të ranguar si të fundit në tabelë me asnjë pikë.
E formë krejtësisht të kundërt ka skuadra e Malishevës, e cila aktualisht i prin tabelës me 13 pikë. Skuadra e drejtuar nga Bekim Isufi ka pasur një start tejet impresiv në këtë fillim të kampionatit, ku ka regjistruar katër fitore, krahas një barazimi e një humbje.
Të dyja duelet fillojnë sot nga ora 15:00.
