Ish-kryetari i Mitrovicës Agim Bahtiri e ka uruar Presidentin Donald Trump, pas fitorës së tij në zgjedhje, kundër oponentës Kamala Harris.
Bahtiri ka edituar një fotografi, kinse është së bashku me Trump. “Jam i bindur se SHBA-ja tashmë ka një zot shtëpie të fuqishëm, i cili do të ndryshojë botën, rrjedhimisht, nuk do të ketë kompromis mes të vërtetës dhe të pavërtetës.” – shkroi ndër të tjera ai.
Postimi i plotë:
I shpreh urimet më të përzemërta z. Donald Trump, i cili arriti të fitoj bindshëm në këto zgjedhje presidenciale në SHBA.
Jam shumë i sigurtë në bashkëpunimin e sinqertë që do të ketë me kryeministrin e tanishëm dhe të ardhshëm të Republikës së Kosovës, z. Albin Kurti. Poashtu, jam i sigurtë se ai do të përzgjedhë njerëz të përgjegjshëm e të suksesshëm në administraten e tij, e jo njerëz sikur ka qenë Grenelli, i cili i ka sjellur më shumë dëm se dobi asaj administrate.
Jam i bindur se SHBA-ja tashmë ka një zot shtëpie të fuqishëm, i cili do të ndryshojë botën, rrjedhimisht, nuk do të ketë kompromis mes të vërtetës dhe të pavërtetës.
AB
