Analisti i emisionit Debat Plus në RTV Dukagjini, Dibran Hoxha, i ka publikuar disa mesazhe që i ka marrë në rrjetin e tij social Facebook, nga Avokati Mentor Beqiri i cili i është prezantuar si avokat i kryetarit të partisë politike, Nisma Socialdemokrate, Fatmir Limajt.
Sipas, mesazheve që i janë dërguar analistit Hoxha, aty avokati i Limaj-t, i ka kërkuar që të kërkojë fale për deklarata që analisti Hoxha i ka thënë në emisionin Debat Plus më datën 24 janar të vitit 2023 e të cilat sipas avokatit të Limaj-t Hoxha, ato janë të pavërteta. Ndërsa më tej ai ka thënë se ka mundësin e fundit që Hoxha të tërhiqet nga deklaratat e tij se përndryshe do të paditet për këto deklarata.
Por analisti Hoxha ka shkruar në rrjetin e tij social Facebook, nuk mund t’ia ndalojnë lirinë e shprehjes se mendimeve të tij.
“Avokati i Fatmir Limaj-t po dëshiron më paditë për shpifje për dyshimet që i kom ngrite mbi keqpërdorimet n ‘Autostradën “Ibrahim Rugova. Me këso lloj kërcënimesh këta lë ta harrojnë që mundën me ndalu shprehjen e mendimeve të lira n ‘ketë vend”, ka shkruar Hoxha.
Më tej ai ka ironizuar me mesazhet e tilla, duke e publikuar një e-mail ku mund t’i shkruajnë, në [email protected].
https://m.facebook.com/story.php?story_fbid=5867037570038608&id=100001972681112&mibextid=Nif5oz
