Kryetari i Lidhjes Demokratike të Kosovës (LDK), Lumir Abdixhiku, ka deklaruar se gjashtë deputetë të kësaj partie nuk do ta mbështesin me votë kandidatin e dakorduar me Lëvizjen Vetëvendosje për president, Bekim Sejdiu, raporton EO.
Pas mbledhjes së Kryesisë dhe Grupit Parlamentar të LDK-së, Abdixhiku deklaroi se “pashmangshëm shkojmë në zgjedhje”.
“Siç tanimë edhe jeni të njoftuar, në ora 14:00 kemi mbajtur mbledhjen e Kryesisë së Lidhjes Demokratike të Kosovës, në të cilën Kryesi kemi diskutuar jo vetëm propozimin e Lidhjes Demokratike të Kosovës për kryetar të vendit, për profesor Bekim Sejdiun, por edhe gjithë angazhimin tonë politik në këtë drejtim.
Diskutimet ishin super pozitive për kandidaturën nga Kryesia. Njihej personalisht se Fatmir Sejdiu është i jashtëzakonshëm, si një patriot, si një njeri që ka punuar me dinjitet në të gjitha institucionet e veta, ka udhëhequr vendin me ndershmëri. Dhe në mënyrë unanime, pa asnjë votë kundër, e gjithë Kryesia, e përbërë nga anëtarë të ndryshëm nga të gjitha anët e Kosovës, votuan për kandidaturën e profesor doktor Bekim Sejdiut.
Menjëherë pas kësaj mbledhjeje mbajtëm një mbledhje me grupin parlamentar, në të cilën i kërkuam secilit deputet të ketë mbështetje për kandidaturën. Tani sapo mbajtëm mbledhjen e grupit parlamentar të Lidhjes Demokratike të Kosovës dhe me kaq i dhamë fund përpjekjeve të Kosovës dhe të gjithë procesit të zgjedhjes.
Gjashtë deputetë kanë vendosur të mos e respektojnë vendimin e Kryesisë së Lidhjes Demokratike të Kosovës. Konkretisht: Agvdullah Hoti, Hykmete Bajrami, Arben Gashi, Armend Zemaj, Kujtim Shala dhe Janina Ymeri kanë deklaruar se nuk e votojnë kandidaturën e propozuar”, tha Abdixhiku.
