Kandidati për deputet nga radhët e PDK-së me numrin 96, profesor Lulzim Nika, ka thënë se marrëdhënia e Kosovës me ShBA-së është jetike për të ardhmen e shtetit tonë.
Ai ka thënë se nga miqtë amerikanë në administratën Trump, mund të presim mbështetje të vazhdueshme për Kosovën, si një aleat dhe partner strategjik i përhershëm.
“Marrëdhënia mes Kosovës dhe ShBA-së është jetike, me mbështetje të vazhdueshme në çlirimin, njohjen dhe zhvillimin e saj. Ky partneritet i fortë mbetet shtyllë për të ardhmen e Kosovës. Nga miqtë amerikanë në administratën Trump, mund të presim mbështetje të vazhdueshme për Kosovën, si një aleat dhe partner strategjik i përhershëm. ShBA ka ndihmuar në zhvillimin ekonomik, politik dhe në forcimin e sigurisë së Kosovës. Zoti e bekoftë miqësinë mes Kosovës dhe Amerikës!”, ka shkruar Nika në Facebook.
