Sulmuesi kosovar Fisnik Asllani ka kompletuar huazimin te skuadra që garon në Bundesliga 2 SV Elversberg, nga Hoffenheim.
21-vjeçari që iu bashkua së fundmi Kosovës sezonin e kaluar e kaloi te skuadra austriake Austra Wien, ndërsa tani do të fitojë eksperiencë edhe në ligën e dytë gjermane.
Drejtori Pirmin Schwegler ka konfirmuar se arsyeja që Asllani është huazuar ka të bëjë me eksperiencën, ngase e kishte të pamundur të gjente formën më të mirë sezonin e kaluar shkaku i lëndimit.
“Fisnik është një sulmues i talentuar që e ka dëshmuar potencialin këto vitet e fundit. Verën e kaluar vendosëm ta huazonim te skuadra me traditë, Austria Wien në mënyrë që të fitojë më shumë eksperiencë në nivelin më të lartë”.
“Pas një fillimi shumë pozitiv me paraqitje të mira, Asllani iu nevojit një pushim për disa javë shkaku i lëndimit, prandaj e kishte të vështirë të merrte minutat që kërkonte shkaku i këtyre shkaqeve”.
“Për këtë arsye, kemi vendosur së bashku që ta huazojmë sërish dhe jemi të sigurt se kemi gjetur zgjidhje të mirë përfshirë Elversbergin. Jemi optimist se Fisniku mund t’i marrë hapat e radhës dhe të kthehet tek ne pas këtij huazimi”, deklaroi ai.
Ndërkohë, edicionin e kaluar Asllani zhvilloi 16 paraqitje për klubin austriak duke shënuar pesë gola dhe kontribuar me një asistim.
