Asensio do të largohet nga madrilenët si futbollist i lirë në fund të këtij edicioni.
Futbollisti i krahut iu bashkua Realit para tetë vjetësh si 20-vjeçar.
U huazua tek Espanyoli në sezonin e tij të parë në elitën e futbollit spanjoll, ku shënoi katër gola dhe dhuroi 10-të asistime në 34 paraqitje.
Te Reali ka qenë shumë i rëndësishëm. Ka fituar 17-të tituj me madrilenët. Nga tri herë fitoi La Ligën, Ligën e Kampionëve, Superkupën e Evropës dhe Superkupën e Spanjës. I ka katër trofe të Kupës së Botës për klube dhe një herë ishte fitues i Kupës së Mbretit.
“Tifozët e Real Madridit nuk do ta harrojnë rrugën dhe sjelljen e shkëlqyer. Madridi është dhe gjithmonë do të jetë shtëpia e tij”, shkruhet në komunikatën përshëndetëse të Realit për Asension.
