KOSTT-i është liruar nga obligimi për mbulim të humbjeve të energjisë elektrike të shpenzuar në katër komunat veriore të banuara me shumicë serbe, ka vendosur Zyra e Rregullatorit të Energjisë që funksionon në kuadër të Zyrës së Kryeministrit.
“ZRRE në janar të 2024 ka pranuar nga KOSTT kërkesën për ndryshim të licencës, respektivisht për lirimin nga obligimi për mbulimin e humbjeve të energjisë në veri. Elektroserveri është licencu nga ZRRE për furnizimin me energji në katër komunat veriore. Me datë 01.01.2024 KOSTT ka njoftuar se furnizuesi Elektrosever ka filluar të dorëzoj në KOSTT sistemin për menaxhimin e tregut , nominimet fizike dhe kontaktuale për të gjithë konsumatorët. Ndërsa në anën tjetër përmes nenit 5, KOSTT është i obliguar që të mbulojë humbjet andaj KOSTT kërkon largimin e obligimit për mbulimin e humbjeve, respektivisht të fshihet neni 5”, tha Yndyr Misini nga ZRrE.
