Zëvendësministri i Mjedisit dhe Planifikimit Hapësinor, Avni Zogiani, ka reaguar ndaj restorantit “Liqeni i Dukagjinit”, të cilët, kanë thënë se nuk ka pranuar ndonjë vendim për mbyllje të aktivitetit.
Zogiani, ka thënë se procesverbali i Inspektoratit të MMPH i është dorëzuar pronarit legjitim të pronës, KRU “Gjakova”, e cila tashmë e ka përcjellë atë te biznesi, dhe se, vendimi i ministrisë, dorëzohet ditën e hënë nga inspektorati.
Postimi:
Sqarim…
Në lidhje me pretendimet e operatorit në Liqenin e Radoniqit, se nuk ka marrur asnjë njoftim për mbylljen e aktivitetit, duam të sqarojmë se procesverbali i Inspektoratit të MMPH i është dorëzuar pronarit legjitim të pronës, KRU “Gjakova”, e cila tashmë e ka përcjellë atë te biznesi, ndërsa vendimi zyrtar i Ministrisë dorëzohet ditën e hënë nga Inspektorati.
Falemnderit për vëmendjen!
