- Advertisement -
Trajneri Zinedine Zidane, i cili ka fituar Ligën e Kampionëve me klubin e Real Madridit një herë si lojtar dhe tre herë si trajner, beson se ish-klubi i tij do ta mposht Bayernin në ndeshjen kthyese, shkruan Klankosova.tv
Zinedine Zidane ishte i pranishëm në Miami për të parë Formula 1, kur u pyet lidhur me ndeshjen.
Zidane ka thënë se Reali do të kalojë tutje, por ka pranuar se do të jetë një ndeshje e vështirë.
“Real Madridi do të kalojë tutje, të paktën unë shpresoj kështu. Por do të jetë një lojë e vështirë. Përgjithmonë Hala Madrid”, shtoi në fund të intervistës së tij Zidane për Sky Sport.
Ndeshja e dytë e Madridit kundër Bayernit zhvillohet të mërkurën më 8 maj.
