Këngëtarja e re, Addison Rae, e cila u bë e famshme nga një fotografi e zhveshur nga pishina me Kourtney Kardashian, kur ishte vetëm 19 vjeçare, nga një TikTokere e urryer është shndërruar në një yll të vërtetë që fiton miliona, ndërsa në tepihun e kuq të Annual Academy Museum Gala në Los Angeles, magjepsi me dukjen e saj tërheqëse.
Ajo kishte veshur një fustan të zi tërësisht transparent që i nxirrte në pah brekët në të njëjtën ngjyrë dhe të çarat në bel e bënë figurën e saj të parezistueshme dhe i dha formën e orës së rërës.
Dekolteja arrin deri te kërthiza dhe detaji me shirita në mes e bën edhe më sfidues fustanin, ndërsa kreacionin e ka kombinuar me sandale të zeza me platformë.
23-vjeçarja nuk ka vendosur stoli, kurse stilimin e ka kompletuar me grimin e duhur në tone më të çelura, si dhe me flokë të lëshuara.
Fustani vjen nga koleksioni më i fundit i markës prestigjioze Roberto Cavalli, për sezonin pranverë/verë 2024 dhe u prezantua këtë shtator në Javën e Modës në Milano.
