Presidenti i Serbisë, Aleksandar Vuçiq, ka bërë të ditur se në Forumin Ekonomik Botëror në Davos të Zvicrës e presin shumë takime joformale dhe ka shtuar se po lufton për interesat e Serbisë.
Vuçiq shkroi në Twitter se tema kryesore e Forumit është Ukraina.
“Sot janë në Davos shumë takime joformale me liderët evropianë dhe botërorë. Çështja ukrainase dominon dhe është e imja të luftoj për interesat e Serbisë, të kërkoj aleatë për vendin tonë dhe zgjidhje për krizën më të madhe që goditi Evropën që nga Lufta e Dytë Botërore”, tha Vuçiq, transmeton Klankosova.tv.
Këtë deklaratë ai e bëri një ditë para se të përballet me kryeministrin e Kosovës, Albin Kurti në panelin “Dialogu i Diplomacisë për Ballkanin Perëndimor” që mbahet të në margjinat e Forumit të Davosit”.
Klankosova.tv ka siguruar agjendën e publikuar nga Banka Evropiane për Investime, ku bëhet e ditur se në takim do të jetë e pranishme edhe nënkryetarja e këtij institucioni, Gelsomina Vigliotti.
Kurti po qëndron për vizitë zyrtare në Zvicër që nga dita e hënë, vend në të cilin shkoi pas vizitës 18 ditore në Amerikë.
