I dyshuari për vrasjen e policit Muhamed Lika është ende në arrati.
Këtë e ka konfirmuar për Klan Kosova zëdhënësi i policisë për rajonin e Ferizajt, Kanun Veseli.
Gjithashtu, ai ka bërë me dije se ende nuk dihen motivet e kësaj vrasje.
Policia e Kosovës ka treguar se mbrëmë rreth orës 23:00 në Kaçanik është vrarë rreshteri i Policisë së Kosovës, Muhamed Lika.
Vrasja ka ndodhur afër banesës së të ndjerit.
“Më 01.04.2025, rreth orës 23:00, kemi pranuar një informacion se një person është plagosur dhe gjendet në gjendje të rëndë në hyrje të ndërtesës së tij, në rrugën “Idriz Seferi” në Kaçanik. Viktima është një pjesëtar i Policisë së Kosovës Në vendngjarje, përveç njësive policore, ka dalë edhe ekipi i emergjencës së Kaçanikut, të cilët e kanë transportuar në Qendrën e Mjekësisë në Kaçanik. Si pasojë e plagëve të marra pjesëtari i Policisë ka ndërruar jetë, kjo është konstatuar nga mjekët në këtë qendër”, ka bërë me dije Policia.
