0.9 C
New York
Thursday, February 22, 2024

Buy now

“Vrasës” – Reagon DJ argjentinas pas akuzave se e infektoi Messin me Covid-19

DJ argjentinas Fer Palacio i ka hedhur poshtë akuzat se ai e ka infektuar me koronavirus yllin e Paris Saint-Germain, Lionel Messi, pasi u cilësua si “vrasës” në rrjetet sociale.

PSG-ja njoftoi të dielën se Messi është njëri prej katër futbollistëve që dolën pozitivë në testet për Covid-19 gjatë pushimit të Krishtlindjes.

Messi është i detyruar të qëndrojë në vendlindjen e vet në Argjentinë, Rosario, derisa të shërohet plotësisht në virusi.

34-vjeçari mori pjesë në disa ahengje në Argjentinë gjatë festave të fundvitit, përfshirë në ahengun e natës së Vitit të Ri, ku ishte i pranishëm edhe Palacios për të performuar.

Palacio e postoi një fotografi me Messin në Instagram nga ahengu i javës së kaluar, me mbishkrimin: “E bëra më të madhin të vallëzojë. Faleminderit të gjithë familjes Messi për ftesën”.

Por 31-vjeçari është abuzuar online në rrjetet sociale, pas lajmit se Messi është infektuar me virus.

Palacio ka reaguar pas mesazheve abuzive, duke dëshmuar me video se ai vetë nuk është i prekur nga Covid-19.

“Jam bërë trend në Twitter sepse Messi doli pozitiv në testin për Covid-19. Ata e lidhin këtë me mua duke thënë se unë e kam infektuar atë. më kanë quajtur edhe vrasës madje”, tregoi ai.

“Kam marrë shumë mesazhe të këqija. Dje e bëra testin sepse më duhet të udhëtojë drejt Uruguait dhe dola negativ, nuk kam Covid-19”, shtoi ai.

Të ngjashme

111,400FansaPëlqeje
12,000NdjekësitNdjek

Të fundit