Kejsi Borri është përfshirë në qendër të vëmendjes në rrjetet sociale pas publikimit të një videoje ku shfaqet në momente romantike me një djalë, identiteti i të cilit fillimisht nuk ishte bërë i ditur. Megjithatë, pamjet duket se lidhen me një projekt të ri muzikor dhe jo domosdoshmërisht me një lidhje dashurie.
Videoja që ka qarkulluar ditët e fundit ka nxitur komente dhe spekulime për jetën sentimentale të Kejsi Borrit, ndërsa shumë përdorues të rrjeteve sociale kanë aluduar se ajo mund të ketë nisur një romancë të re.
Por, sipas informacioneve që kanë dalë në pah, djali misterioz dyshohet të jetë këngëtari Sardi Mneri, i cili po prezanton projektin e tij më të ri muzikor, të titulluar “SA SA”.
Kejsi shfaqet përkrah këngëtarit në videoklipin e këngës, çka sugjeron se momentet romantike që kanë tërhequr vëmendjen e publikut mund të jenë pjesë e realizimit artistik.
Kjo ka bërë që aludimet për një lidhje të mundshme sentimentale të marrin një tjetër drejtim, duke e zhvendosur vëmendjen nga jeta private e Kejsit te bashkëpunimi i saj në projektin muzikor.
Megjithatë, deri më tani nuk ka ndonjë konfirmim publik që pamjet dëshmojnë një marrëdhënie romantike mes tyre.
