Dje, kryeministri i vendit, Albin Kurti, ka dhuruar gjak në kuadër të aksionit vullnetar të organizuar në shënim të 10-vjetorit të vdekjes së aktivistit të kësaj partie, Astrit Dehari.
Ky veprim i Kurtit, duket se e ka ‘emocionuar’ tej mase një aktiviste të re të Vetëvendosjes. Xheneta Sadiku, e cila qe nga maji i këtij viti është pjesë e kabinetit të ministrit të Bujqësisë, Armend Muja, e ka përjetuar në ekzaltim veprimin e Kurtit, aq sa, është lutur që edhe asaj t’i bie ‘’hise’’ që të ketë ‘’pak nga gjaku’’ i Kurtit.
‘‘Teksa Albin Kurti po dhuronte gjak, ia thashe me gjithë zemër: “Inshallah na bie hise te kemi pak nga gjaku yt, o njeri i mirë, qe kaq shume i ke dhënë Republikes së Kosovës’’’’, ka shkruar aktivistja e VV’së në postimin e saj në Facebook.
