Menduh Thaçi, kryetar i PDSh-së, ka folur rreth rezultateve të zgjedhjeve presidencial në Maqedoni të Veriut, ku fituese në kampin shqiptar doli Fronti Evropian i udhëhequr nga BDI-ja.
Thaçi ka thënë se ndihet keq për fiaskonë që ka pësuar Albin Kurti, kryeministër i Kosovës, në zgjedhjet në Maqedoni të Veriut.
“Mund të ma interpretojnë si sarkazmë. Ndjehem keq për fiaskon që pësoi ndërhyrja e Kurtit në zgjedhjet në Maqedoni. Nëse dikush do të priste që unë të ndjehesha mirë, të qitsha qallam se ne e kemi mundë, por s’është ashtu. Pe ndjehem keq. Kur e vërteton mungesën e autoritetit moral i pari jonë në Kosovë në një vend siç është Maqedonia, kjo do të ketë pasoja. Do të mundohemi bashkë që t’i largojmë këto pasoja. Nuk do të flasë më” – ka thënë Thaçi në “LIBERO”.
