Nëse po mendoni që të kaloni disa ditë pushime luksoze, nuk keni ku të coni paratë ose nëse keni ndonjë “fiksim” që të jetoni njëherë si Cristiano Ronaldo, tani do e keni mundësinë, pasi rezidenca e yllit portugez dhe e partneres së tij, Gerogina Rodriguez, mund të bëhet e cdokujt që ka dëshirë ta marrë me qira.
Okay ndoshta jo e cdokujt, po e cdokujt që mund të përballojë qiranë prej 10 mijë eurosh në muaj, me vilën luksoze që ndodhet në Spanjë dhe që është nga një banesat në pronësi të fituesit të “Topit të Artë”. Banesa është gati 4,000 metra katrorë, ka katër kate dhe një garazh të madh, me disa prej makinave të Cristiano-s që janë ende aty, por këto nuk janë me qira. Dekorimi i shtëpisë është shumë i veçantë dhe përveç kësaj është e rrethuar nga një kopsht i gjerë dhe një tarracë e madhe me një pishinë, teksa një ekip sigurie është në shërbimin tuaj gjatë gjithë kohës.
Po ashtu vila ka një palestër me pajisjet më të fundit të teknologjisë, sigurisht një fushë futbolli pranë pishinës së jashtme dhe disa zona relaksi. Një shtëpi e vërtetë ëndrrash, për VETEM 10 mijë euro në muaj.
/
