- Advertisement -
Kryeministri i Kosovës, Albin Kurti ka mirëpritur sot alpinisten e mirënjohur, Uta Ibrahimi.
Sipas komunikatës për media, Kurti e përgëzoi për sukseset e saj dhe përfaqësimin e denjë të vendit tonë nëpër botë, si dhe i uroi fat dhe mbarësi në ngjitjen e saj të radhës.
Në këtë takim, Ibrahimi ia dhuroi kurtit librin e saj për fëmijë, “Uta në Sharr”.
Ndryshe, Uta Ibrahimi është gruaja e parë shqiptare e cila arriti të ngjitet në majën më të lartë të botës – Everest. Njëherësh alpinistja e parë në Ballkan që ka ngjitur 13 nga 14 majat mbi 8000 metra – të njohura si çatitë e botës. Aktualisht po bën përgatitjet e fundit për të ngjitur majën e Kanchenjungës – maja e tretë më e lartë në botë.
