Sonte në Pressing po diskutohet për Operacionin “Shigjeta” që njihet si një prej betejave më të lavdishme të UÇK-së.
Rifat Sylejmani, ish-shefi i Operativës, G-3, ka treguar se si u planifikuar operacioni Shigjeta.
“Operacioni “Shigjeta” ishte fronti dhe sulmi që e dërmoi ushtrinë dhe policinë serbe. Është ideuar e projektuar dhe planifikuar nga Shtabi i Përgjithshëm i Ushtrisë Çlirimtare të Kosovës qysh në janar të vitit 1999, pas masakrës së Reçakut dhe pas Rambujesë”, tha ai.
“Ka qenë një nevojë për të hapur një front të ri dhe për të hapur korridoret për furnizime me armatim dhe logjistikë ndërmjet Shqipërisë dhe Kosovës”, tha Sylejmani.
“Operacioni është planifikuar në tre drejtime operative. Drejtimi Operativ 1 Kosharja, Drejtimi Operativ 2 Pashtriku dhe Drejtimi Operativ 3 Koretniku”, shpjegoi ai.
