Finalja e madhe e Champions League mes Arsenalit dhe Paris Saint-Germain konsiderohet si ndeshja më e rëndësishme e futbollit botëror më 30 maj, ndërsa emocionet kanë arritur kulmin para përballjes që do të zhvillohet në Budapest.
Teksa miliona tifozë presin me padurim duelin për trofeun më prestigjioz evropian, debatet për favoritët kanë pushtuar mediat sportive dhe tani edhe inteligjenca artificiale ka dhënë parashikimin e saj për fituesin e finales.
Për Arsenalin, kjo do të jetë vetëm finalja e dytë e Champions League në historinë e klubit.
Kurse nga ana tjetër, Paris Saint-Germain ka arritur në finale për të dytin vit radhazi dhe synon ta mbrojë me sukses kurorën evropiane, transmeton Klankosova.tv.
“Topçinjtë” kanë zhvilluar një sezon fantastik në Champions League, duke mbetur të pamposhtur gjatë gjithë garës.
Pikërisht për shkak të këtyre paraqitjeve mbresëlënëse, superkompjuteri i Opta-s e kishte konsideruar Arsenalin favorit për pjesën më të madhe të sezonit, transmeton Klankosova.tv.
Megjithatë, parashikimet kanë ndryshuar ndjeshëm para finales. Sipas simulimeve të fundit të Opta-s, PSG tani ka 56 për qind shanse për të fituar trofeun, ndërsa Arsenalit i jepen 44 për qind mundësi për ta mbyllur sezonin me një sukses historik.
Në 10 mijë simulime të zhvilluara nga inteligjenca artificiale, PSG triumfoi brenda 90 minutave në 43.5 për qind të rasteve, ndërsa Arsenali fitoi në 29.7 për qind.
Në 26.8 për qind të skenarëve, fituesi u vendos pas kohës shtesë ose gjuajtjeve të penalltive.
Një nga arsyet kryesore të ndryshimit të parashikimit besohet të jetë fuqia sulmuese e PSG-së, e cila ka regjistruar statistika të jashtëzakonshme në këtë edicion të Ligës së Kampionëve.
Tashmë, të gjithë sytë janë drejt Budapestit për të parë nëse parashikimi i inteligjencës artificiale do të realizohet apo nëse Arsenali do të arrijë ta shkruajë historinë me triumfin e madh evropian.
