16 C
New York
Thursday, May 30, 2024

Buy now

Suhareka stoliset me titullin e kampionit në Ligën e Parë

- Advertisement -

Suhareka ’23 sot pranoi zyrtarisht titullin e kampionit të fituar për sezonin 2023/24 në Grupin A të Ligës së Parë.

Klubi suharekas regjistroi një sukses historik, duke siguruar promovimin në Superligën e Kosovës vetëm një sezon pas themelimit.

Skuadra e drejtuar nga Arsim Thaqi sot zhvilloi ndeshjen e fundit në shtëpi për këtë sezon, të vlefshme për javën e 26-të në Grupin A të Ligës së Parë, që është edhe xhiro e parafundit e sezonit.

Kësisoj, Suhareka ’23 u stolis sot me titullin e kampionit, të cilin e festoi para tifozëve të vet.

Federata e Futbollit e Kosovës (FFK) i ka uruar mirëseardhje në Superligë përmes një postimi në faqen zyrtare.

Edhe kryetari i FFK-së, Agim Ademi, e uroi klubin suharekas për suksesin, duke theksuar se “përkushtimi dhe puna e palodhur e drejtuesve, stafit të trajnerëve dhe futbollistëve është një shembull frymëzues për të gjithë”.

Postimi i plotë nga Ademi:

“Urime FC Suhareka për triumfin e madh!

Titulli i kampionit në Raiffeisen Ligën e Parë dhe inkuadrimi në AlbiMall Superligë është një sukses i jashtëzakonshëm për klubin tuaj.

Përkushtimi dhe puna e palodhur e drejtuesve, stafit të trajnerëve dhe futbollistëve tuaj është një shembull frymëzues për të gjithë.

Uroj që në edicionin e ardhshëm të vazhdoni të shkëlqeni dhe t’i sjellni vlera shtesë AlbiMall Superligës.

Mirë se vjen në elitën e futbollit kosovar!

Urime Suharekë!”.

Të ngjashme

111,400FansaPëlqeje
12,000NdjekësitNdjek

Të fundit