Specialja del me njoftim për numrin e viktimave pjesëmarrëse në rastin e krerëve të UÇK-së

Gjykata Speciale ka lëshuar një njoftim për media ku tregon për numrin e viktimave pjesëmarrëse në rastin Thaçi dhe të tjerët të cilët po gjykohen në Hagë.

Specialja njofton se pas njoftimit nga avokati i viktimave për vdekjen e një prej viktimave në fillim të këtij viti, numri aktual i viktimave pjesëmarrëse në këtë rast është 153.

“Pas njoftimit nga avokati i viktimave në këtë rast për vdekjen e njërës prej viktimave në fillim të këtij viti, numri aktual i viktimave pjesëmarrëse në Thaçi et al. rasti tani është 153”, shkruan Specialja.