Së fundi, Kryeministri i Kosovës, Albin Kurti, ka bërë një paralajmërim për një riorganizim të grupit paramilitar serb në Rashkë të Serbisë në krye me kryeorganizatorin e sulmit terrorist të 24 shtatorit, Milan Radojiçiq. Duke komentuar paralajmërimin e kreut të qeverisë, deputeti i Partisë Demokratike të Kosovës (PDK), Hisen Berisha, ka deklaruar se postimi i Kurtit është në “suazat e programit skenarit për të krijuar një psikozë luftë”. Kjo sipas tij po bëhet me qëllim që të arsyetohet “implementimi i marrëveshjeve të dëmshme”.

“Edhe tash nëse ndodhë sipas paralajmërimeve të Kurtit, është në suazat e programit skenarit për të krijuar një psikozë luftë, frikë të qytetarët dhe me e arsyetu implementimin e marrëveshjeve të dëmshme për këtë vend”, deklaroi Berisha për RTV Dukagjini.