Sërish ndërhyrje në punimet në sheshin “Xhorxh Bush”, Rama: Gjysma e asfaltit qenka trashëgimi kulturore, gjysma tjetër jo

Kryetari i Prishtinës, Përparim Rama ka reaguar pasi Inspektorati për Trashëgimi Kulturore tentoi sërish të ndalonte punimet në sheshin “Xhorxh Bush”.

Në një video, Rama thotë se, sipas Inspektoratit, gjysma e asfaltit është trashëgimi kulturore e gjysma jo

“Qytetarë të Kryeqytetit,

“Gjysma e asfaltit qenka trashëgimi kulturore, gjysma tjetër e asfaltit jo!”

Me këtë arsyetim i paskan dërgu sot – për me i ndalu punimet në sheshin “Xhorxh Bush””, shkroi Rama.

Ai paralajmëroi padi, teksa drejtori i Inspektoratit për Trashëgimi Kulturore në kuadër të Ministrisë së Kulturës, Rinisë dhe Sportit, Imer Hakaj, tha se për shkak të këtij projekti ka filluar që të ketë presion dhe t’i shkruajnë qytetarët edhe privatisht.