Analisti Halil Matoshi ka vazhduar të hedh kritika ndaj qeverisë në lidhje me Asociacionin.
Matoshi në emisionin Politiko në Kanal ka përmendur draft statutin ku sipas qeveria nuk e ka ditur që në këtë mënyrë po e desovranizon vendin derisa ka theksuar se rendi kushtetues është shkelur.
“Asociacioni ka filluar në momentin kur ju me Elbert Krasniqin keni shpallë atje nënshkrim peticioni sepse zgjedhjet mbahen, asambleistët e krijojnë kuvendin themelues dhe e bëjnë Asocioacionin me desovranizim total të shtetit. Problemi është që Gjykata Kushtetuese me marrëveshjen e 13-tës ka qenë alfa dhe omega me e vlerësu asociacionin ose mundësinë e devijimit ose mundësinë e rritjes së kompetencave kurse sot ka thënë nuk është Gjykata Kushtetuese, me draftin e ri të zotërit Kurti thotë por është një përfaqësues Bashkimit Evropian. Kjo është desovranizim zotëri Muja, por ju edhe këtë nuk e keni ditë. Rendin kushtetues dhe ligjor e bën Kosova draft statutin përkatësisht ekipi menaxhues i Asociacionit.”
Këto kritika i ka hedhur poshtë deputeti Muja duke thënë se janë tërësisht të pavërteta.
“Këto janë tërësisht të pavërteta. Ekipi menaxhues që tha duhet me e bë, e di se kush është ekipi menaxhues. Është dakordu ekipi menaxhues në vitin 2015 dhe ka qenë kjo deputetja e Vuçiqit.”
Kjo deklaratë është ndërprerë nën tensione nga Matoshi duke thënë se me këto deklarata Muja po hyn në spekulime.
