Ribashkim emocionues pas 1 viti e 4 muajsh: Fahri Fazliu me mesazh prekës për babanë, Fadil Fazliun17 prill 2026| 10:48
Pas një periudhe prej 1 viti e 4 muajsh të ndarë padrejtësisht me një vendim nga Gjykata Speciale, është ribashkuar sot babë e bir, Fadil dhe Fahri Fazliu, në një moment tejet emocionues për familjen.
Fahri Fazliu, djali i ish-ushtarit të UÇK-së, Fadil Fazliut, i cili mbahej padrejtësisht në paraburgim në Hagë, nuk e pati mundësinë ta takojë djalin gjatë qëndrimit atje, e ky vendim i Speciales vazhdoi edhe pas kthimit nga Haga.
Por sot, kur i është hequr ky kufizim Fahriut, ai përmes një postimi prekës, ka shprehur gëzimin dhe krenarinë e tij për rikthimin pranë babait, duke theksuar forcën dhe dinjitetin me të cilin ai i ka përballuar sprovat.
Postimi i plotë;
Pas 1 viti e 4 muajsh të ndarë padrejtësisht nga njëri-tjetri, babë e bir, sot, nesër e gjithmonë bashkë, babloki im, Fadil Fazliu.
Sprovat nuk të thyen asnjëherë, përkundrazi, të bënë edhe më të fortë.
Qëndrove ballëhapur, kokëlart e me dinjitet, ashtu siç të ka hije.
Ti je frymëzim dhe krenari për familjen, për të gjithë ne dhe për mbarë kombin shqiptar.
Krenar me ty gjithmonë, babloki jem!
