Skuadra që tronditi botën duke fituar Premier League në mënyrë sensacionale në sezonin 2015/16, tashmë ka prekur fundin: Leicester City ka rënë në League One, që i bie niveli i tretë i futbollit në Angli.
Sezoni rezultoi katastrofik për “Dhelprat”, të cilat grumbulluan shumë pak pikë dhe u karakterizuan nga një numër i lartë humbjesh, duke mos arritur në asnjë moment stabilitet.
Forma e dobët gjatë gjithë kampionatit i kushtoi rëndë, ndërsa mbrojtja e brishtë dhe mungesa e efikasitetit në sulm ishin faktorët kryesorë të dështimit. Goditja finale erdhi në ndeshjen e fundit të sezonit, ku Leicester nuk arriti më shumë se një barazim – një rezultat që vulosi matematikisht rënien.
Edhe pse kishte ende një fije shprese për mbijetesë, ajo u shua përfundimisht pas këtij hapi fals. Kjo rënie shënon një nga historitë më të dhimbshme në futbollin modern: nga kampionët e Anglisë dhe pjesëmarrës në UEFA Champions League, në një skuadër që tashmë duhet të rindërtohet nga League One.
Leicester City tani përballet me një mision të vështirë rikthimi, duke kërkuar të ringjallet dhe të rikthejë lavdinë e humbur.
