Real Madridi tregoi synimin e tij për t’u rikthyer në majat e futbollit evropian duke shpenzuar një pasuri për disa lojtarë këtë verë.
Investimi më i madh ishte Yan Diomande, i cili iu bashkua Real Madridit për një shumë prej rreth 140 milionë eurosh, duke u bërë transferimi më i shtrenjtë në histori të klubit.
Real Madridi pritet të shpenzojë një shumë të ngjashme për një lojtar të vetëm verën e ardhshme, por këtë herë për një mesfushor të ri.
Duke folur në kanalin e Ruben Martinit në “YouTube”, gazetari i “The Athletic”, Mario Cortegana (“Defensa Central”), ka sugjeruar se Real Madridi mund të shpenzojë deri në 120 milionë euro verën e ardhshme për “Diomanden” e radhës.
Por “Diomande” i radhës nuk do të jetë domosdoshmërisht një sulmues apo dikush me aftësitë e lojtarit nga Bregu i Fildishtë.
Në fakt, Real Madridi pritet të investojë shumë për një mesfushor të ri verën e ardhshme.
Klubi beson se nuk ka arritur ta zëvendësojë Toni Kroosin apo Luka Modrićin dhe, për këtë arsye, po synon një lojtar me profil të ngjashëm.
Real Madridi e konsideron mesfushën si një pikë të dobët të rëndësishme dhe do të jetë i gatshëm të bëjë gjithçka që mundet për të gjetur një zgjidhje ideale në treg – dikë që mund të bëhet menjëherë titullar në skuadër.
Megjithatë, opsionet në treg mbeten të kufizuara për Real Madridin.
“Los Blancos” ishin pranë transferimit të Rodrit këtë verë, por spanjolli përfundoi duke iu bashkuar rivalëve të Barcelonës.
Enzo Fernández u cilësua si një tjetër objektiv, por reprezentuesi argjentinas përfundoi duke iu bashkuar Manchester Cityt.
Asnjëri prej tyre nuk do t’i bashkohet Real Madridit së shpejti.
Kjo e lë klubin përpara detyrës së madhe për të gjetur dikë që përmbush kërkesat dhe që e justifikon shpenzimin prej 120 milionë eurosh verën e ardhshme.
Joshua Kimmich, Felix Nmecha, Vitinha apo edhe João Neves duken si opsione të mundshme, por mbetet për t’u parë nëse klubi do të bëjë lëvizje për ndonjërin prej tyre verën e ardhshme.
Por për momentin, Real Madridi qartazi nuk është i kënaqur me opsionet aktuale në mesfushë dhe nuk do të ishte befasuese të shihnim dikë si Eduardo Camavinga të largohej nga klubi verën e ardhshme, ndonëse klubi kishte refuzuar një ofertë prej 50 milionë eurosh nga Turqia.
