UEFA ka zbuluar se Real Madridi ka fituar plotë 139 milionë euro pasi u shpallën fitues të Ligës së Kampionëve në vitin 2024.
Ekipi i Carlo Ancelottit e fitoi trofeun për herë të 15-të, pasi mposhtën në finale Borussia Dortmundin me rezultat 2-0.
Një tjetër sukses në Evropë bëri që Ancelotti të fitojë La Ligan dhe Ligën e Kampionëve dhe italiani është në rrugë të mirë për ta bërë këtë sërish këtë sezon.
Sipas raporteve financiare të publikuara nga UEFA, Real Madridi kryeson listën si ekipi me më së shumti përfitime financiare nga sezoni i kaluar.
Paratë e Real Madridit në total erdhën nga një fond i kompeticionit prej 2 miliardë eurosh, që do të rritet sërish për 25 për qind këtë sezon, si pjesë e një formati të ri dhe të zgjeruar me më shumë skuadra dhe ndeshje të përfshira.
Shuma totale varet nga disa faktorë si dhe marrëveshjet me sponsorët që janë ndarë nga shtëpia e futbollit evropian para çdo gare.
Formula e UEFA-s për sezonin 2024/2025 ishte të paguanin klubet me rata, që përfshiu Real Madridin duke marrë 36 milionë euro, pro ata siguruan gjithashtu edhe 14 milionë të tjera për shkak të të drejtave televizive.
Real Madridi do të synojë të fitojë një tjetër shifër të madhe parash këtë sezon në Ligën e Kampionëve, edhe nëse ata nuk ia dalin ta mbrojnë trofeun.
Kjo për shkak se ‘Los Blancos’ do të marrin pjesë në formatin e zgjeruar të Kupës së Botës për Klube, aty ku fondi total është 910 milionë euro.
Ekipi që arrin t’i fitojë të gjitha ndeshjet e tyre në rrugën drejt ngritjes së trofeut, do të fitojë rreth 113 milionë euro.
