26.7 C
New York
Friday, June 14, 2024

Buy now

Ramiz Lladrovci: Beteja parazgjedhore e opozitës ka filluar herët, gati jemi!

- Advertisement -

Pas shkarkimit të Kryesuesit të Kuvendit të Drenasit, Milaim Hajdari, anëtar i PDK-së, kryetari i komunës së Drenasit, Ramiz Lladrovci ka reaguar në rrjetin social.

Opinioni i tij:

Beteja parazgjedhore e opozitës ka filluar herët, gati jemi!

Shkarkimi i sotëm z. Milaim Hajdari nga pozita e Kryesuesit të Kuvendit të Drenasit, në Mbledhjen e jashtëzakonshme të Kuvendit, nuk më ka befasuar.

Shkarkimi i tij me vota të DD, VV, tre ish anëtarëve të PDK-së, dy asamblistëve tjerë të pozitës dhe asamblistit të “gjelbër”, është reflektim i punës destruktive, të shtyrë edhe nga faktorë të komunave tjera dhe keqbërësve të vjetër.

Personaliteti i Milaim Hajdarit ka qenë dhe është i nderuar për komunën tonë dhe më gjerë. Është dëm i madh që një njeri si ai, tolerant, bashkëpunues e i respektueshëm, sot të bëhet cak i asamblistëve hakmarrës.

Puna penguese e disa asamblistëve, gjatë këtij mandati, ka dëmtuar interesin qytetar, këtë e kanë bërë edhe sot.

Opozita duhet ta dijë një herë e përgjithmonë, ne nuk do të nënshtrohemi për të negociuar punët e kundërligjshme.

Hedh poshtë fjalimet demagogjike të asamblistëve opozitarë në Mbledhjen e jashtëzakonshme, për shpifjet me pretendime për t’u faktorizuar para qytetarëve, njëherësh duke tentuar ta mashtrojnë opinionin.

Kontributin e folësve të sotëm e njohin qytetarët e komunës së Drenasit, me kundërshtimin e buxhetit, të investimeve, dhënien e pronës me qira dhe miratimin e Listës paraprake të pronave e deri të dëmet që bëhen ndaj investitorëve të rinj dhe krijimin e qindra vendeve të reja të punës.

Beteja parazgjedhore ka filluar para kohe, por, jemi gati, me përkushtimin tonë të plotë që me Kabinetin tim, të realizoj dhe arsyetoj besimin e qytetarëve.

https://www.facebook.com/share/p/DeGXq4UFwr1ggrb3/?mibextid=WC7FNe

Të ngjashme

111,400FansaPëlqeje
12,000NdjekësitNdjek

Të fundit